FIER– Tre persona kanë rënë në prangat e Policisë së Fierit këtë të dielë pasi akuzohen për vepra të ndryshme penale. Përmes një njoftimi për mediat Policia bën me dije se një 31-vjeçare i identifikuar me inicialet E.B është vënë në prangat pasi pas kontrollit të kryer nga efektivët e forcave “Shqiponja” në automjetin të cilin drejtonte, u gjet dhe u sekuestrua një sasi me lënde të dyshuar narkotike kokainë. Ndërsa një 32-vjeçar është arrestuar në flagrancë pasi ka ushtruar dhunë fizike ndasj prindërve. Ndërkohë një tjetër është kapur duke drejtuar automjetin në gjendje të dehur.
NJOFTIMI I POLICISË:
DVP Fier/Vihen në pranga 3 shtetas për vepra të ndryshme penale. Specialistët për Hetimin e Narkotikëve të DVP Fier arrestuan në flagrancë shtetasin E. B., 31 vjeç, banues në Plyk, Fier, pasi gjatë kontrollit të ushtruar nga shërbimet e Forcës së Posacme “Shqiponja”, në automjetin të cilin drejtonte, u gjet dhe u sekuestrua një sasi me lënde të dyshuar narkotike kokainë. Gjithashtu, ky shtetas drejtonte automjetin në gjendje të dehur. Specialistët për Hetimin e Krimeve të Komisariatit të Policisë Fier arrestuan në flagrancë shtetasin B. B., 32 vjeç, pasi dyshohet se ka ushtruar dhunë ndaj prindërve të tij. Specialistët e Sektorit të Qarkullimit Rrugor të DVP Fier arrestuan në flagrancë shtetasin D. S., 39 vjeç, banues në Lushnjë, pasi është kapur nga shërbimet e Policisë duke drejtuar automjetin, në gjendje të dehur.
—
Në Komisariatin e Policisë Fier ka bërë kallëzim shtetasi Sh. H., banues në Fier, se në datë 30.06.2023 është larguar nga banesa djali i tij, shtetasi L. H., 33 vjeç dhe nuk është kthyer më. Punohet për gjetjen e 33-vjeçarit. U referuan materialet në Prokurori pasi në Divjakë, në banesën e shtetasit L. Sh., 50 vjeç, dyshohet nga dritarja e cila ka qënë e hapur, kanë marrë një shumë lekësh. Punohet për identifikimin dhe kapjen e autorëve. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
