SHËNGJIN– Pamjet që po shihni tregojnë familjarët e të ndjerit Ardian Nikulaj, i cili u ekzekutua këtë të mërkurë në resortin e tij në Shëngjin. Ata shihen me lot në sy teksa presin jashtë ambienteve të resort “Coral” dhe të afërm të tjerë që afrohen për të iu dhënë ngushëllimet. Nikulaj u vra teksa pinte kafenë brenda lokalit. Autori u afrua me jelek fosforeshent, skafandë në kokë dhe maskë anti-covid dhe qëlloi shtatë herë në drejtim të tij duke e lënë të vdekur në vend.
Ardian Nikulaj rezulton që të jetë pronar i disa bizneseve në zonën e Lezhës dhe i resortit “Coral” në bregdetin e Shëngjinit, vend ku dhe u vra. Nikulaj rezulton ta ketë ndërruar mbiemrin pasi në të shkuarën pasi më oparë ka mbajtur mbiemrin Marku. Më parë ka qënë edhe Ish-kreu i Aluznit e në të shkuarën ka qënë i dënuar për disa vepra penale. Ai rezulton i dënuar me 4 muaj burg, për prodhim dhe mbajtje të armëve luftarake dhe municioneve dhe për ‘armëmbajtje pa leje’. Ai ka qenë i dënuar në vitin 2003, dënim të cilin e ka deklaruar edhe në formularin e dekriminalizimit. Po ashtu ai ka qenë i angazhuar dhe në arenën politike në nivel qarku. Në zgjedhjet e shkuara ai ka qenë kandidat në listën e kandidatëve për deputetë në Partinë Socialdemokrate të drejtuar nga Tom Doshi. Nikulaj ishte i martuar dhe baba i katër fëmijëve.
