GREQI– 38-vjeçari shqiptar Izbi Çaushi i akuzuar për vrasje me paramendim të 47-vjeçarit të njohur si “Amerikani” ose “Gus”, ka dhënë dëshminë e tij para togave të zeza ku ai është shprehur se viktima i kishte shitur kokainë të prishur, jo cilësore duke i shkaktuar probleme shëndetësore deri në shtrimin në spital. Mësohet se pistoletën me të cilin kreu krimin 38-vjeçari, ai e mbante gjithmonë me vete, por në dëshminë e tij ka treguar se nuk kishte si qëllim të vriste viktimën, vetëm ta plagoste në këmbë.
Sipas mediave greke, në pranga mësohet se është vënë si bashkëpunëtor në vrasje është edhe një 22 vjeçar, ndërsa dy shtetas të tjerë grekë, janë vënë nën hetim për dëshmi të rreme.
Tashmë ndaj shqiptarit, pritet që gjykata të marrë vendimin pas rrëfimit të tij për vrasjen e kryer më 20 Janar në Kalamata në Greqi.
