Duke u ndalur te periudha e adoleshencës në vitet e 90’ta, moderatorja dhe gazetarja Juela Meçani, në “Stay Tuned”, me moderatoren Valbona Mhilli e cilësoi atë periudhë të pastër dhe të mbushur me aktivitete të shumta.
Krahuar me atë periudhë, Meçani, tha se sot të rinjtë, edhe pse kanë mundësira të tjera për aktivitete, i sheh më shumë në kafe dhe pa ndonjë angazhim profesional.
”Kam pasur një adoleshencë të ngarkuar, kam qenë nxënëse e mirë , që nuk studioja me orë të gjata, por thithja nga ato që thuhej. Bëja aktivitete se në atë kohë në gjimnaze ka pasur shume aktivitete kulturore, i prezantoja i organizoja unë. Në atë kohë duhet të garoje për ta marrë gjënë, ta vije vetën ne provë. Kam bërë shkollë dhe punë bashkë, shkoja në shkollë, bëja mungesa mi falnin se bëja pesë emisione në javë. Ka qenë shumë rini e bukur. Sot ke rininë më shumë nëpër kafe, në kuptimin që mbarojnë atë shkollën shkojnë nëpër kafe, ndërsa ne e kemi shëtitur gjithë Shqipërinë, me punë, me koncerte, me partinë dhe ka qenë ajo Shqipëria bruto, ajo e varfër, por shumë më e bukur dhe njerëzore. Njerëzit ishin vërtet të varfër por ishin shumë më të mirë. Rinia janë ka qenë shumë e pastër, periudhë eksploruese, pro shumë e pastër e çiltër, nuk kishte celular dhe bisedat dhe dialogët ishin shumë të rëndësishme”.
