Të dielën presidentja e Komisionit Europian Ursula von der Leyen do të udhëtojë së bashku me kryeministren italiane Giorgia Meloni, në ishullin Lampedusa, ku mbërritën mijëra emigrantë këtë javë.
Pas mbërritjes këtë javë me varkë të rreth 8500 njerëz në këtë ishull të vogël që ndodhet 145 kilometra larg brigjeve të Tunizisë, Meloni nga Brukseli apeloi për ndihmë.
Siç thuhet edhe nga përfaqësuesi i von der Leyen për Agjencinë Gjermane, presidentja e Komisionit do të shkojë sot në Itali, ku fillimisht do të takohet me Melonin në Romë dhe më pas do të vizitojnë së bashku Lampedusën për të konstatuar “seriozitetin e situatës” me të cilën po përballet Italia.
