Benjamin Mendy bën sërisht që të flitet për të, përsëri ama për arsyet që nuk kanë lidhje me futbollin. Kampioni i botës me Francën, po pret të kthehet në fushë pasi më në fund ka mbyllur gjyqet pas akuzave për përdhunim që iu bënë në Angli. Megjithatë, lajmi nuk është ndonjë rikthim i mundshëm i tij, por fakti se është zbuluar se ai ka një vajzë sekrete me një spanjolle.
Yolanda Aguera ka treguar se ka njohur futbollistin në Barcelonë në vitin 2019 dhe nga marrëdhënia e tyre lindi vajza e vogël. Një fëmijë për të cilën Mendy paguan vetëm 400 euro në muaj si mbështetje financiare. Yolanda rrëfen gjithashtu se ai e ka takuar vajzën vetëm një herë.
Bukuroshja spanjolle ka treguar për “The Sun” se si ishte njohur me francezin në mënyrë rastësore në Barcelonë. “Dola për të pirë diçka me një shoqe dhe filluam të flisnim me të dhe shokun e tij.
Ishte një tërheqje e menjëhershme mes nesh. Kishte muzikë në atë lokal dhe pasi vallëzuam, u ula me të dhe u puthëm. Më tregoi mikja ime që ishte futbollist se nuk ia kisha idenë se kush ishte.
Më pas shkuam për darkë në një apartament që ai dhe miqtë kishin dhe kur një nga ata po përgatiste darkën, ai më mori për dore dhe shkuam në një dhomë ky kryem marrëdhënie seksuale”, tregoi ish-punonjësja e bankës e cila disa javë më vonë kishte mësuar se kishe mbetur shtatzënë dhe kishte vendosur të lindte vajzën e vogël, duke ruajtur deri më sot sekretin e Mendy.
