TIRANË– Autobusi i linjës “Institut-Qendër” është përfshirë nga flakët teksa ishte në ecje në rrugën “Dritan Hoxha”. Raportohet se pasagjerët kanë zbritur mrenjëherë në tokë dhe nuk ka asnjë të lënduar. Policia bën me dije se zjarri ka rënë në pjesën e motorit, i cili është djegur pjesërisht. Në vendin e ngjarjes kanë mbërritur menjëherë ekipet zjarrfikëse të cilat bënë të munduar dhe shuarjen e flakëve. Dyshohet se zjarri është shkaktuar aksidentalisht. Grupi hetimor i ngitur për hetimin e ngjarjes po punon për zbardhjen e plotë të saj.
NJOFTIMI I POLICISË:
Me datë 10.04.2023, rreth orës 16:50, në rrugën “Dritan Hoxha”, ka marrë flakë në lëvizje e sipër dhe është djegur pjesërisht në pjesën e motorrit, autobusi i linjës së Institutit, me drejtues shtetasin S. A. Në vendin e ngjarjes kanë shkuar shërbimet e Policisë dhe shërbimet zjarrfikëse. Personat që ndodheshin në autobus kanë dalë nga autobusi dhe nuk ka asnjë të dëmtuar. Paraprakisht dyshohet se zjarri është shkaktuar aksidentalisht. Grupi hetimor po punon për zbardhjen e rrethanave të ngjarjes.
