TIRANË– Një furgon është përfshirë nga flakët mëngjesin e kësaj të shtune në hyrje të Tiranës, pranë TEG. Raportohet se mjeti tip furgon “Benz” me targa AB 759 BB ka qenë duke lëvizur te rruga e TEG kur ka marrë flakë.
Fatmirësisht shoferi identiteti i të cilit nuk është bërë i ditur ka parë në kohë shtëllungat e tymit dhe ka dalë menjëherë nga makina duke u shpëtuar flakëve që përshinë mjetin. Policia ka mbërritur në vendin e ngjarjes bashkë me ekipet zjarrfikëse që bënë të mundur dhe shuarjen e flakëve.
