Në aksin Lushnje-Rrogozhinë është arrestuar në flagrancë teksa drejtonte një automjet tip ‘Benz’ një 24-vjeçar nga Korça pasi u kap duke transportuar emigrantë të paligjshëm.
I arrestuari, i kërkuar nga policia e Vlorës për të njëjtën veprimtari kriminale të kryer rreth 1 muaj më parë, po transportonte 8 emigrantë nga Nepali kundrejt pagesës prej 500 eurosh për person.
Nga hetimet, dyshohet se 24-vjeçari po i transportonte këta shtetas drejt Shkodrës në mënyrë që ata të kalonin kufirin drejt vendeve të BE-së.
