TIRANË– Mes debatesh dhe diskutimesh të forta pozitë-opozitë, Komisioni i Shëndetësisë ka miratuar vetëm me votat e Partisë Socialiste projektligjin e qeverisë për kanabisn mjekësore. Drafti do të shqyrtohet seancën plenare të së enjtes. Ndërkohë deputetë socialistë kanë rrëzuar propozimin e kolegut të tyre Erion braçe, i cili njjë ditë më parë në Komisionin e Ekonomisë kërkoi që të përcaktohet hapësira që do të shfrytëzohet për kanabisin industrial. Deputeti i Partisë së Lirisë, Petrit Vasli u shpreh se përpara se projektligji të shqyrtohet nen për nen, duhet të dëgjohen të gjitha grupet e interesit. Ndërkohë deputetja e Partisë Socialiste Anila Denaj tha se të gjitha procedurat janë ndjekur dhe se projektligji ka qenë i hapur për konsultim publik gati një vit.
Debatet:
Përfaqësuesi i Ministrisë së Bujqësisë: Mendoj që nuk duhet të përcaktohet te ligji. Projektligji parashikon që është këshilli i ministrave i autorizuar për kufizimin e zonave kadastrale ku do të lejohet kultivimi.
Zheni Gjergji: Tre kërkesa për dëgjesë publike, një kërkesë nga koalicioni shqiptarë pro familjes dhe jetës. Fondacioni ‘Jeshilai’, që ka si objekt varësinë nga drogat. Dhe formimi mysliman. Gjithashtu dhe drejtuesi politikë i BE në Shqipëri, ka çuar një kërkesë për dëgjesë me komisionin e punës dhe çështjeve sociale. Ne kemi bërë dëgjesën, elaburimet kanë qenë në platformën e kuvendit të Shqipërisë. Unë jam e hapur që ne të bëjmë një dëgjesë tjetër bazuar në kërkesat e këtyre fondacioneve, por edhe përfaqësuesit të Be në Shqipëri. Ky është një vendim që do duhet të merret sot me votë.
Petrit Vasili: Është ligj shumë i debatuar. Shterimi dhe dëgjimi i të gjithë aktorëve të interesit është me rëndësi. Ndjeshmëria është shumë e fortë për këtë projektligj. Është në detyrimin tonë të dëgjojmë të gjitha aktorët e interesit. Nuk është ligj i future me procedurë të përshpejtuar. Edhe votimi cili do të jetë, pro apo kundër do jetë më i motivuar. S’kemi asnjë detyrim as nga programi, as nga afatet ligjore. Ne po ecim në kohën më të shkurtër të mundshme. Ne kemi patur mbi 38 nisma që kanë kaluar mbi dy vite. S’është akt normativ, prandaj le ti konsumojmë të gjitha diskutimet. Nëse keni ndonjë detyrim tjetër, është gjë tjetër.
Klodiana Spahiu: Në fakt në fjalën tuaj, ju referuat se keni tre kërkesa për seanca dëgjimore. Në informacionin tonë, projektligji ka qenë prej dy javësh në platformë elektronike dhe grupet e interesit mund të jepnin opinionin e tyre. Kemi zbatuar rregulloren deri në fund. Kemi marrë opinionet e grupeve të interesit. Kemi dëgjuar dhe sugjerimet përkatëse. Ndoshta relatori mund të na thotë diçka më tepër mbi atë që ka kërkuar delegacioni i Bashkimit Europianë, pasi në në dijeninë tonë, në variantin e fundit janë pranuar të gjitha propozimet që ka bërë delegacioni i BE në lidhje me këtë projektligj,.
Anila Denaj: Proceduralisht komisioni sot duhet të vazhdojë me axhendën e miratuar më herët. Së pari, unë di që grupi i punës ka nisur punën që prej vitit 2020. Sot jemi në fazën finale. Ligjet kalojnë një proçes konsultimi publik. Pr/ligji ka ndenjur gati 1 vit në konsultim publik.
