Kreu i Partisë së Lirisë Ilir Meta ka dhënë një deklaratë për mediat pas një takimi me kryedemokratin Sali Berisha, ku nga selia e Partisë Demokratike ka paralajmëruar protesta, duke shtuar më tej se opozita nuk do heq dorë nga pjesëmarrja në zgjedhjet lokale të 14 majit
“E qartë që ne do ecim në rrugën e protestave dhe pa asnjë diskutim në rrugën e zgjedhjeve dhe protestat e zgjedhjet do i japin fund këtij regjimi të korruptuar në cdo qelizë të tij që është kërcënim jo vetëm për vendin tonë”, u shpreh Meta
Ndërkohë kreu i Partisë së Lirisë Meta, shtoi se në këtë takim janë diskutuar çështje me rëndësi, sipas tij në përpjekjet për të ekzekutuar pluralizmin politik
“Kemi rënë dakord për shumë cështje të rëndësishme, mbështesim plotësisht PD në gjithë kërkesat e saj të drejta dhe legjitime dhe përpjekjet për të ekzekutuar pluralizmin politik do të kenë përfundim ekzekutimin e këtij regjimi mafioz”, tha Meta
