Ish-presidenti Ilir Meta i ka dedikuar disa rreshta sot, Sali Berishës, në rasti e 80-vjetorit të tij.
Meta shkruan se ka zhvilluar një telefonatë me Berishën, nëpërmjet të cilës i përcolli urimet më të përzemërta, ndërsa shtoi se ish-kryeministri po feston padrejtësisht në izolim, referuar masës “arrest shtëpie” në të cilën Berisha ndodhet për shkak të akuzave mbi dosjen “Partizani”.
Së fundmi, Meta e ka përshëndetur Berishën me një foto nga maja e Dobërdollit, ku ai shprehet se ndodhet aktualisht.
Postimi i Metës:
GËZUAR 80-VJETORIN E LINDJES PROF. DR. SALI BERISHA!
Me rastin e ditëlindjes, i përcolla sot gjatë një bisede telefonike urimet më të ngrohta dhe të përzemërta liderit historik të Partisë Demokratike! Edhe 100 vite të reja me shëndet të plotë dhe lumturi!
Në respekt të qindra mijëra simpatizantëve të tij po ndaj edhe këtë urim publik për Doktor Berishën, i cili padrejtësisht e feston sot këtë përvjetor i izoluar politikisht nga armiqtë e lirisë, demokracisë, pluralizimit politik dhe dinjitetit njerëzor, nga armiqtë e shtetit të Kosovës dhe interesave kombëtare.
Në lartësinë ku ndodhet, e përshëndes edhe unë me këtë foto time nga maja e Dobërdolit bashkë me urimin: MALET TONA MË TË LARTA
