Meta: Me rëndësi që opozita të dalë me një kandidat në çdo bashki, PD të zgjedhë më të mirët

Kreu i Partisë së Lirisë, Ilir Meta thotë se zgjedhjet lokale janë për t’i dhënë fund “këtij pushteti monist” dhe në këtë drejtim shtoi se nuk ka ardhur asnjëherë asnjë vonesë apo pengesë nga partia e drejtuar prej tij.

Në konferencën e sotme për mediat, Meta deklaroi se Partia e Lirisë është e hapur për të bashkëpunuar me çdo faktor opozitar, në interesin e rivendosjes së demokracisë në vend.

Aksioni opozitar është si interes kombëtar, jo si interes partiak. Çdo vonesë ndihmon Edi Ramën, i jep kohë të vjedhë i qetë, i jep kohë të ushtrojë presion mbi qytetarët.

Rikthimi i Partisë së Lirisë do të jetë shumë i fuqishëm. Këshilli Bashkiak i Tiranës do të jetë më i rëndësishëm se Parlamenti sotëm që ka disa koorporata akoma.

Është shumë e rëndësishme që opozita të dalë me një kandidat në çdo bashki. Ne nuk do të vëmë kushte për asnjë lloj bashkie, për asnjë kandidat.

Nëse do të ketë kandidat nga ana e Partisë së Lirisë që mund të ketë mbështetje, do negociojmë me aleatët.

Partia e Lirisë ka si synim të mbështesë kandidatët më të mirë dhe Partia Demokratike duhet të nisë përgatitjen për zgjedhjen e kandidatëve më të mirë dhe do të kenë mbështetjen tonë për aq sa mundemi.

Po ashtu ai shtoi se protestat do të jenë nga më të ndryshme dhe do të ecin paralel me zgjedhjen, deri në rivendosjen e demokracisë.

Çdo ditë ka protesta, nesër është protesta e pedagogëve dhe nuk ka protestë më kombëtare se ajo e pedagogëve.

Lidhur me takimin e zhvilluar ditën e sotme me Presidentin Bajram Begaj, deklaroi se çdo datë që do të vendosë për zgjedhjet lokale, do të jetë e mirëpritur.