TIRANË– Kryetari i Partisë së Lirisë Ilir Meta ka bërë një paralajmërim të fortë ditën e sotme sa i përket protestave për rrëzimin e qeverisë. Në një prononcim për FaxNews, Meta thotë se Rama ka blerë shumë pjesëtarë të opozitës e vëzhgues ndërkombëtarë, por nuk e blen dot popullin e Shqipërisë. Sipas kreut të PL-së është detyrë e çdo qytetari që të bëhet pjesë e këtij revolucioni.
Ilir Meta: Mendoj që situata do të shkojë drejt drejtësisë popullore. Sovraniteti i përket popullit. Partia e Lirisë parashikon mobilizim të jashtëzakonshëm për të sjellë ndryshimin. Kur themi ndryshimin sepse koha e tij ka kaluar, sepse Edi Rama e bleu ndryshimin duke blerë zyrtarë të opozitës. Duke blerë vëzhgues ndërkombëtarë. Edi Rama nuk e blen dot popullin e Shqipërisë. Kjo është një betejë e cila ka të bëjë me ekzsitencën e Shqipërisë dhe të shqiptarëve. Nuk është një betejë thjesht për pushtet. Është një detyrë patriotike që Shqipëria të mos zhbëhet si shtet dhe si komb. Prandaj është detyrë e cdo qytetari të Shqipërisë të bëhet pjesë. Skuthit një dhe skuthit dy shqiptarët do t’ia japin përgjigjen shumë shpejt. Kemi traditë familjare, kemi traditë kombëtare dhe nuk kemi dalë në shitje si komb. Mund të shitet Edi Rama por nuk mund të shitet kombi ynë.
