KUÇOVË– Me reshjet e shiut që binin “rrëke” kryetari i Partisë së Lirisë Ilir Meta ka prezantuar sot para qytetarëve të Kuçovës kandidatin e opozitës për këtë bashi, Lefter Maliqi. Sipas Metës shiu që po bie sot është një bereqet që do të shumëfishohet në kutitë e votimit më 14 maj. Kreu i PL- akuzoi kryeministrin Edi Rama se ka vënë dorë edhe te buka e fëmijëve dhe se ka qëllim që të dekurajojë njerëzit që të punojnë e të ecin më tej për tu zhvilluar.
Ilir Meta: Kandidati i Rilindjes së përgatitet sepse do të përballet me të vetmin emër të Opozitës, Lefter Maliqi. Jam këtu mes një grupi njerëzish shumë punëtorë. Ky shi që po bie sot është vetëm bereqet, por një bereqet më i madh do të bjerë në kutitë e votimit, më 14 maj. Korrupsioni e ka mbytur këtë vend, ndodh kudo, në Tiranë, në Durrës ku janë mediat, po këtu në Kuçovë çfarë ndodh? Këtu kemi një kandidat me energji nukleare, siç është Lefter Maliqi. Ai do i kthejë shërbimet e tij në punë për komunitetin. Kemi në Berat një kandidat tjetër që do të fitojë, doktor Zija Ismailin. Jam i bindur që Elbasani mezi pret të shikojë një debat mes kanididatit të rilindjes dhe Luçiano Boçit. Elbasani njihet si Elbasani i bandave të rilindjes, pasi vetëm përmes bandave rilindja e mban pushtetin. Të gjithë duhet të shfrytëzojnë të drejtën e votës për ta përzënë rilindjen një orë e më parë, përpara se ajo të përzërë fëmijët shqiptarë. Shikoni statistikat, Shqipëria është para Indisë që ka 1 miliard banorë, para Pakistanit dhe para çdo vendi tjetër. Kosova i ka pagat e mësuesve dy herë më të larta se ne. Kosova jep shumë herë më tepër për bujqësinë e blektorinë që të mos largohen njerëzit nga vendi. Jami shumë më pas edhe nga vendi i Lukashenkos për paratë që jep qeveria për dijen, për Startuppet etj. Ku është Kuçova e yjeve të futbollit shqiptar. Ku është Kuçova që fitonte me ekipet e kryeqytetit. Ku është Kuçova që bënte gola, të atyre metajve, po nuk ishin kushërinjtë e mij. E ka fajin Saliu thonë që mbillte ullinj, se duhet të mbillte drogë edhe Saliu, atë kishim mangut. Në vend që të japin fonde nga AZHBR për të mbështetur bizneset dhe për të eksportuar jashtë, ky ka vetëm një qëllim, si ti dekurajojë njerëzit të punojnë dhe të zhvillohen. Pse është molla e Korçës më e shtrenjtë këtu dhe në Tiranë sesa në Prishtinë? Sepse ky është vend i oligarkëve. Këtu është një qeveri e pashpirt dhe mizore. Ka vënë dorë edhe te buka e fëmijëve. Rama ik buçet në zemrat e çdo shqiptari të ndershëm dhe patriot.
