Meta: Qeveria hajdute e Edi Ramës u ka hequr mundësinë shqiptarëve t’u përmbushin fëmijëve nevojat minimale
Me një video nga protesta e djeshme, kreu i Partisë së Lirisë thotë se shqiptarët e varfër nuk do të ndihen fajtorë para fëmijëve që nuk u plotësojnë dot nevojat minimale për shkak të varfërisë. Meta thotë në një status të publikuar në rrjetet sociale se shkak i kësaj varfërie është vetëm qeveria e Edi Ramës.
“Kurrë më nuk do të lejojmë që prindërit e grabitur, të papunë e të keqpaguar për shkak të Qeverisë hajdute të Edi Ramës, të ndihen fajtorë pa faj përpara fëmijëve të tyre, sepse nuk kanë mundësi t’u përmbushin nevojat më minimale për shkollim dhe fëmijërinë e tyre të shëndetshme”, shkruan Meta.
