Kreu i Partisë së Lirisë (e njohur më parë si Lëvizja Socialiste për Integrim), Ilir Meta nuk ka kursyer kritikat ndaj kryeministrit Edi Rama, pa harruar të shtojë dhe një dozë ironie në deklaratat e tij.
Në një takim të zhvilluar në njësinë 9, Meta komentoi deklaratat e kryeministrit të Shqipërisë gjatë takimeve të këtij të fundit të zhvilluara me qytetarë në prenzantimin e kandidatëve për fushatën lokale të 14 majit. Ai vuri në dukje faktin se kryeministri “bën çdo gjë për të tërhequr vëmendjen, duke kërcyer”.
“Përfaqësues të klaneve dhe janë atje për t’i shërbyer Edi Ramës. E keni parë se si kërcen, mos u habisni nëse kërcen edhe lakuriq. Më falni që e them por bën çdo gjë për të hequr vëmendjen nga grabitja që ka bërë. Ka goditur shtresën e mesme të Shqipërisë. 500 mijë lek merr një mësues në Shqipëri”, deklaroi ish-kryeministri i vendit.
Politikani me origjinë nga Skrapari akuzoi gjithashtu qeverinë Rama për “inceneratorët”, ndërsa u bëri thirrje qytetarëve që në 14 maj 2023 të bashkohen dhe të votojnë për ndryshimin e madh që sipas tij Shqipëria e ka të domosdoshëm, në mënyrë që t’i japë fund shkeljes e abuzimit me ligjin.
