TIRANË– Kyetari i Partisë së Lirisë Ilir Meta është shprehur besimplotë në fitoren e opozitës në Bashkinë e Tiranës. I ftuar në emisionin ”Quo Vadis” Meta tha se Partia e Lirisë ka 70 deri në 80 mijë vota në Tiranë ndërsa shtoi se Veliaj nuk llogaritet si rival. Meta u ndal dhe tek fushata e kryebashkiakut Erion Veliaj dhe personazheve publik që e mbështesin në rrjete sociale. Sipas një VIP ka humbur 40 mijë ndjekës vetëm se bëri video për Veliajn.
Ilir Meta: Nuk ekziston Erion Veliaj si kandidat, sepse po të ekzistonte do të kishte dalë në një debat. Nuk ka asnjë rezultat dhe nuk ka asnjë bilanc e nuk del dot përballë Këlliçit. I kemi parë sondazhet e tij, sondazhi më i saktë është një VIP që humbi 40 mijë ndjekës në instagram për dy ditë vetëm se bëri deklaratë pro Veliajt, 70 mijë, humbi VIP-i për dy ditë, një ushtri të tërë, vetëm pse bëri deklaratë që shkaktoi një pakënaqësi të madhe, sepse të gjithë e dijmë çfarë ka bërë Erion Veliaj në këtë qytet për 8 vite. Nuk kemi hyrë në këtë llogari, ne do të jemi fitues në shumicën dërrmuese të bashkive të Shqipërisë. Ne do të jemi fitues në shumicën e Këshillave Bashkiake kudo. Në Tiranë do të jetë një nga fitoret më të jashtëzakonshme, së bashku me Durrësin edhe me Elbasanin, sepse këta kanë qenë prioriteti ynëNuk isha as unë as Berisha në një garë dy vite më parë, plus ai pazaret i kishte mbyllur me ish kryetarin e PD dhe me atë i vazhdon akoma edhe me vulën e tij, por kjo është një gjë e pavlerë sepse të gjithë shqiptarët që e duan demokracinë, opozitën sepse duan llogaridhënien e atyre që zgjedhin do të votojnë opozitën.
