TIRANË– Prokuroria e Posaçme Kundër Korrupsionit dhe Krimit të Organizuar ka nisur hetimin pasuror për të arrestuarit e operacionit “Metamorfoza”. Kështu SPAK do të “fusë në filter” pasuritë e biznesmenit Pëllumb Gjooka, ish-drejtuesit të Forcës Operacionale Oltion Bistri dhe kryeprokurorin e Kukësi Xhevahir Lita. Po ashtu në ‘’sitë’’ do të futen dhe pasuritë e ish-shefit të krimeve Ardrit Hasanbegaj, Astmer Bilali, etj.
Ndërkohë Prokuroria e Posaçme ka kërkuar informacione nga bankat e nivelit të dytë dhe institucione të tjera shtetërore. Qëllimi i hetimeve ka të bëjë me zbulimin e të ardhurave për të siguruar këto të mira materiale dhe nëse kanë burime të ligjshme.
