ERU- Mijëra luanë të detit kanë ngordhur në Peru në mes të një shpërthimi të gripit të shpendëv , sipas Shërbimit Kombëtar të Zonave të Mbrojtura të Shtetit të Perusë (SERNANP). Gripi i shpendëve, i njohur gjithashtu si H5N1, është përhapur në specie të shumta në vend. Një shpërthim fillestar midis zogjve u raportua për herë të parë në fund të nëntorit 2022 përgjatë bregdetit peruan.
SERNANP tani ka raportuar të paktën 63,000 zogj të ngordhur për shkak të virusit, si dhe një numër në rritje të vdekjeve në specie të tjera. Të paktën 3,487 luanë të detit janë gjetur të vdekur për shkak të virusit, që i bie mbi 3% e popullsisë së luanëve të detit të Perusë. Ajo gjithashtu ka regjistruar pesë vdekje të fokave të lidhura me gripin e shpendëve.
“Ajo që ne kujtojmë se fillimisht filloi me pelikanë vitin e kaluar tani po prek këta gjitarë detarë,” tha për Reuters veterineri peruan Javier Jara.
Autoritetet peruane po u bëjnë thirrje qytetarëve që të shmangin kontaktin fizik me kafshët e egra, të vdekura apo të gjalla. Gripi i shpendëve ka infektuar gjithashtu një numër rekord zogjsh dhe disa gjitarësh në të gjithë Shtetet e Bashkuara. Që nga fundi i vitit 2022, shkencëtarët e kanë zbuluar këtë virus në më shumë se 100 lloje zogjsh të egër si rosat, pulëbardhat, patat, skifterët dhe bufat në SHBA, ku raste janë identifikuar edhe tek arinjtë, dhelprat, macet, rakunët, arinjtë dhe delfinët.
