Milan-Juventus/ Pioli: Ndeshja vlen shumë. Allegri: Kuqezinjve i kam zili vetëm pikët

Të shtunën, do të luhet një nga sfidat historike në Itali, siç është ajo mes Milanit dhe Juvetusit.

Në këtë përballje, spektakli është i garantuar, aty ku të dyja skuadrat do të kërkojnë fitoren.

Në prag të kësaj sfide, trajneri i kuqezinjve, Stefano Pioli, ka folur për mediat, ku u shpreh se ndeshja me bardhezinjte vlen shumë.

Besoj se brenda një kampionati ka dy-tre ndeshje që peshojnë më shumë se tri pikët në lojë. Sfida me Juven ka një peshë specifike. Juventus lufton për titull, ashtu si ne, kështu që kjo ndeshje vlen shumë.

Në krahun tjetër, Massimiliano Allegri, u shpreh se Milanit në këtë moment i ka zili vetëm pikët.

Milanit i kam zili vetëm katër pikët më shumë që ka në krahasim me ne. Përgëzoj kundërshtarin vetëm për numrat, por nga nesër shpresoj të ndryshojnë. Milan-Juventus apo anasjelltas mbetet një vitrinë e bukur e futbollit italian.