Milani humb një tjetër objektiv, Sanches do të transferohet te PSG
Nuk ka më dyshime, Renato Sanches do të qëndrojë në Ligue 1. Mesfushori i Lille, që kërkohej nga Milani dhe PSG, do të vazhdojë karrierën te këta të fundit.
Sipas raportimeve të fundit, PSG ka arritur akordin me Lille, dhe për futbollistin portugez do të paguhen 15 milionë euro.
Akordi mes dy klubeve franceze është arritur dhe gjithçka do të zyrtarizohet në orët e ardhshme. Milani e shihte Sanches si zëvendësuesin perfekt të Kessie, por kampionët e Italisë duhet të shohin për një tjetër mesfushor.
