DIBËR– Policia e Dibrës ka reaguar këtë të martë pas lajmit se një minator është transportuar në gjendje të rëndë në spital dhe është lënë aty pas një aksidenti në vendin e punës. Përmes një njoftimi për mediat Policia, e cila është një ditë me vonesë bën me dije se po heton ngjarjen, e cila ka ndodhur mbrëmjen e djeshme. Ndërkohë minatori ndodhet në gjednje të rëndë shëndetësore dhe është transportuar në gjendje kome drejt spitalit të Traumës.
NJOFTIMI I POLICISË:
Rreth orës 19:30, të mbrëmjes së djeshme, është paraqitur për të marrë ndihmë mjekësore, në spitalin e Peshkopisë, shtetasi Sh. C., 60 vjeç, me profesion minator, i punësuar në një subjekt minerar, në Bulqizë. 60-vjeçari është transportuar për ndihmë më të specializuar, në Spitalin e Traumës, Tiranë. Grupi hetimor, në drejtimin e Prokurorisë, po vijon hetimet e thelluara, për zbardhjen dhe dokumentimin e plotë të rrethanave të këtij rasti.
