Duke parë se bixhozi apo bastvënia është një plagë shumë e madhe në botë, por kur bëhet fjalë për konflikt interesi si në rastin e futbollistëve, ato mund të njollosin edhe garën e rregullt, ai që propozon një normë të fortë për të ulur sa më shumë këtë patologji është ministri i Sporteve në Itali, Andrea Abodi.
“Kush vë baste të mos shkelë më në kombëtare, mendoj se do të ishte një normë që do të prekte sedrën e futbollistëve. Fundja, të luash për kombin tënd do të thotë respekt, krenari, por nëse këta futbollistë nuk e kanë diçka të tillë për veten e tyre, si mund ta kenë për kombëtaren. Kështu që mund të jetë një normë, e cila mund të vlerësohet dhe të hyjë në fuqi”.
