TIRANË-Ministria e Arsimit ka publikuar sot datat për provimet e Maturës Shtetërore.Lajmin e bëri të ditur ministrja e Arsimit Evis Kushi gjatë një takimi me maturantë dhe mësuesit për të diskutuar mbi rregulloren e sapomiratuar të Maturës Shtetërore.
Kështu provimi i Gjuhës së Huaj do të organizohet më 1 Qershor, provimi i Gjuhës Shqipe dhe Letërsisë më 7 qershor, ai i Matematikë më 13 qershor, ndërsa Lëndë me zgjedhje në datën 19 qershor.
NJOFTIMI I MINISTRISË:
Në mbyllje të këtij 3-mujori zhvilluam në Korçë një takim me maturantë dhe mësues për të diskutuar mbi rregulloren e sapomiratuar të Maturës Shtetërore, si dhe prezantuam datat e provimeve:
– 1 Qershor, Gjuhë e Huaj
– 7 qershor, Gjuhë Shqipe dhe Letërsi
– 13 qershor, Matematikë
19 qershor, Lëndë me zgjedhje
Në datën 31 dhjetor do të publikohet fondi i pyetjeve për provimin e informatizuar për të gjithë ata që duan të studiojnë në programin “Mjekësi e Përgjithshme”, provim i cili do të zhvillohet në muajin gusht.
