TIRANË– Ministria e Ekonomisë dhe Financave ka reaguar pas aksionit të kësaj të mërkure të Inspektoriatit të Mbrojtjes së Territorit dhe Policisë së Shtetit në ambientet e “Prestige Resort” në Golem ku kërkuan konfiskimin e tij. Në një deklatratë për mediat MEF shprehet se gjithçka po bëhet në përputhje me ligjin dhe se politizimi i ngjarjes është një procedurë administrative nuk i shërben as zbatimit të ligjit.
NJOFTIMI:
Ministria e Financave dhe Ekonomisë ndjen detyrimin të sqarojë se me kërkesë të Shërbimit Social Shteteror, me qëllim sigurimin e hapësirave shtesë dhe të reja për institucionet rezidenciale për ofrimin e sherbimeve sociale për personat me aftësi të kufizuar apo kategorive të tjera vulnerabel, me qëllim përmbushjen e standardeve sa më të mira për marrësit e shërbimeve të ofruara nga institucionet e përkujdesit shoqëror, i ka propozuar Këshillit të Ministrave kalimin e objekteve në pronësi publike, konfiskuar në baze të ligjit dhe akteve nënligjore në zbatim të tij. Të gjitha procedurat e kryera nga institucionet publike në harkun kohor 2022-2023 janë në përputhje të plotë me ligjin dhe kushtetutën. Ndryshe nga sa pretendojnë palë të caktuara nuk ekziston asnjë vendim gjyqësor, i asnjë lloj forme, që të ketë pezulluar vendimmarrjen shtetërore. Ditën e sotme, nuk ka ndodhur asgjë ndryshe nga ditët dhe javët e kaluara, kur përfaqësues të institucioneve shtetërore kanë kryer procedurat e nevojshme për zbatimin e vendimmarrjes. Politizimi dhe mediatizimi i kësaj çështje e cila në thelb është një procedurë administrative nuk i shërben as zbatimit të ligjit, as mbështetjes që shteti shqiptar i jep shtresave në nevojë,
Këtë të mërkurë policia dhe IKMT ‘zbarkuan’ sërish në ‘Prestige Resort’ në Golem këtë të herë për të kryer konfiskimin e godinave të cilat pritet ti kalojnë shërbimit social. Më herët presidenti i Focus Media Group pjesë e të cilit janë dhe mediat Panorama Tv , News 24, Gazeta Shqiptare dhe Balkanweb tha se ky është një aksion i qëllimshëm nga kryeministri Edi Rama pasi sipas tij ai nuk pranoi të ‘shitej’.
