Ministrja e Bujqësisë dhe Zhvillimit Rural, Anila Denaj njofton hapjen e panairit “Ditët e Bujqësisë” në Lushnje, i cili hapet nesër në 24 prill dhe mbyllet në datën 26 prill.
Me anë të një njoftimi në rrjetin e saj social, Denaj tregon që në panair do të marrin pjesë mbi 80 biznese bujqësore e prodhues nga Shqipëria, Kosova, Maqedonia, Italia, Spanja, Zvicra dhe Gjermania.
Postimi i Anila Denaj:
Çelim nesër, deri më datë 26 prill, Panairin “Ditët e Bujqësisë” në Lushnje, një panair i cili tashmë ka marrë përmasa ndërkombëtare, duke bashkuar mbi 80 biznese bujqësore e prodhues nga Shqipëria, Kosova, Maqedonia, Italia, Spanja, Zvicra, Gjermania dhe më gjerë.
Ju ftojmë të bashkoheni me ne në stendën e Ministrisë së Bujqësisë dhe Zhvillimit Rural me 14 prodhues të vajit të ullirit, mjaltit, bimëve medicinale dhe fruta-perimeve të stinës, gati për të ndarë me ju shijen fantastike dhe cilësinë e bujqësisë #MadeInAlbania.
