Ministrja e Bujqësisë dhe Zhvillimit Rural, Anila Denaj ndodhet sot në një vizitë zyrtare në Slloveni, ku u prit nga homologia sllovene Mateja Calusi.
Me anë të një postimi në rrjetet e saj sociale, Denaj thekson se mbështetja e miqve tanë sllovenë do të forcohet edhe më tej përmes ekspertizës që Shqipëria do të përfitojë nga Sllovenia në procesin e përafrimit të legjislacionit me Bashkimin Evropian.
Postimi i Anila Denaj:
Slloveni | 
Së bashku me homologen, Mateja ČALUŠIĆ, nënshkruam sot marrëveshjen e parë të bashkëpunimit në fushën e zhvillimit të bujqësisë. Kjo fazë e re bashkëpunimi do të fokusohet në:
– Zhvillimin Bujqësor dhe Rural 
– Mjekësinë Veterinare dhe Mbrojtjen e Bimëve 
– Sigurinë Ushqimore 
Mbështetja e miqve tanë sllovenë do të forcohet edhe më tej përmes ekspertizës që Shqipëria do të përfitojë nga Sllovenia në procesin e përafrimit të legjislacionit me Bashkimin Evropian, si dhe përgatitjen e bizneseve dhe prodhuesve shqiptarë për aderimin me standarde dhe cilësi të lartë të produkteve #MadeinAlbania në tregjet europiane. 
