Ministrja e Bujqësisë dhe Zhvillimit Rurul, Anila Denaj u zgjodh sot zëvendëskryetare e Konferencës së 34-të Rajonale të FAO-s, që po mbahet në Romë nga datat 14-17 maj 2024.
Denaj në kuadër të punimeve të konferencës, zhvilloi një takim dypalësh me drejtorin e Përgjithshëm të FAO, Dr. Qu Dongyu, ku diskutoi mbi projektet e mbështetura nga FAO në Shqipëri, duke përfshirë iniciativat për bujqësinë dixhitale fuqizimin e grave në zonat rurale dhe zhvillimin e zinxhirit të vlerave.
Postimi i Denaj:
ROMË
Kënaqësi dhe privilegj të pranoja zgjedhjen si zëvendëskryetare e Konferencës së 34-të Rajonale të FAO-s, që po mbahet në Romë nga datat 14-17 maj 2024.
Kjo konferencë mblodhi 53 anëtarët e FAO-s në rajonin e Evropës dhe Azisë Qendrore, si dhe përfaqësues të Fondeve të Kombeve të Bashkuara , Programet dhe Agjencitë e Specializuara.
