Ministrja e Shëndetësisë dhe Mbrojtjes Sociale, Albana Koçiu zhvilloi ditën e sotme një takim me drejtorin e EMCDDA, z. Alexis Goosdeel me të cilin bisedoi rreth bashkëpunimit që Shqipëria duhet të bëjë në lidhje me programet e shkëputjes nga varësia e numrit të personave përdorues të drogave.
Më anë të një postimi në rrjetet e saj sociale, Koçiu thekson angazhimin e MSHMS për përshpejtimin e hapave drejt përafrimit të legjislacionit me vëndet e BE dhe ngritjen e një sistemi të paralajmërimit të hershëm.
Postimi i Koçiut:
Kënaqësi të prisja ditën e sotme drejtorin e EMCDDA, z. Alexis Goosdeel, me të cilin biseduam lidhur me fushat tona të bashkëpunimit sa i takon hapave që Shqipëria 
duhet të bëjë në lidhje me programet e shkëputjes nga varësia e numrit të personave përdorues të drogave, sfidave të trajtimit të tyre dhe përfshirjes në programet e reduktimit të dëmit nga droga.
Gjatë takimit theksova angazhimin e MSHMS për përshpejtimin e hapave drejt përafrimit të legjislacionit me vëndet e BE dhe ngritjen e një sistemi të paralajmërimit të hershëm, si pjesë e netëorkut europian 
