Ministrja e Shëndetësisë dhe Mirëqënies Sociale, Evis Sala zhvilloi takimin e parë ditën e sotme me stafin e ministrisë dhe tregoi objektivat e saj.
Më anë të një njoftimi në rrjetet sociale, ministrja Sala thekson se një ekip i mirë dhe bashkëpunues është motivi i duhur për t’i dhënë qytetarëve shqiptarë vëmendjen dhe shërbimet e nevojshme.
“Do të reflektojmë për të përballuar sfidat dhe për t’iu përgjigjur me korrektësi e standard evropian çdo nevoje të sistemit tonë shëndetësor” – deklaroi Evis Sala.
Njoftimi i ministrisë:
Një ekip i mirë dhe bashkëpunues është motivi i duhur për t’i dhënë qytetarëve shqiptarë vëmendjen dhe shërbimet e nevojshme.
#Krenare që rrugëtimin tim në krye të Ministrisë së Shëndetësisë dhe Mirëqënies Sociale e nis me një staf profesionist, me të cilin do punojmë bashkarisht por edhe do të reflektojmë për të përballuar sfidat dhe për t’iu përgjigjur me korrektësi e standard evropian çdo nevoje të sistemit tonë shëndetësor 
