TIRANË– “Drejtësi për shokun tonë“, me këtë slogan shokët e Enjo Saliajt, të riut që humbi jetën në një aksident në fillim të muajit shkurt, protestuan këtë të mërkurë para Gjykatës së Tiranës. Ata kërkuan që shoferi që shkaktoi aksidentin që i mori jetën të riut të mos litrohet dhe të marrë dënimin më të rëndë që parashikon ligji.
Si ndodhi aksidenti dhe historia e trishtë e 18-vjeçarit:
18-vjeçari Enjo Saliaj mbrëmjen e 2 shkurtit po lëvizte me monopatinë në zonën e Freskut kur u përplas për vdekje nga Sildi Krashi. Ky i fundit pas aksidentit u largua por u vu më vonë në pranga nga Policia. Enjo është djali i Kudret Salianjt, i cili u vra me armë zjarri në një lokal pranë Gjykatës së Tiranës nga vjehrri i tij, 30 minuta pasi kishte përfunduar seanca gjyqësore.
Kudret Saliaj gjeti vdekjen e menjëhershme ndërsa vjehrri i tij u vu në pranga. Po ashtu u arrestua dhe nëna e 18-vjeçarit Dhurata Saliaj. Me babain e vdekur, nënën e gjyshin në burg, Enjo, i cili ishte afër vendit të ngjarjes kur babai i tij u dergj i mbuluar nga gjaku në tokë humbi jetën tragjikisht jetën në afaltin e zi të Tiranës.
