TIRANË– “Ftesa e munguar” për kryeministrin Edi Rama nga homologu i tij grek Kyriakos Mitsotakis në darkën informale me liderët e Ballkkanit me rastin e 20-vjetorit të Samitit BE-Ballkani Perëndimor dhe “Deklaratës së Selanikut” ka shkaktuar polemika dhe debate të shumta mes dy vendeve. Në lidhje me këtë ka reaguar dhe zëdhënësi i qeverisë greke Pavlos Marinakis.
Përmes një reagimi ai pranon se ftesa e munguar Ramën në darkën e thirrur nga kryeministri grek Kyriakos Mitsotakis vjen si pasojë e qëndrimeve për çështjen e kryebashkiakut të Himarës, Fredi Belerit i cili ndodhet në burg si i akuzuar nga SPAK për blerje votash.
Pavlos Marinakis: Qeveria greke me një sërë ndërhyrjesh të kryeministrit dhe ministrit të Jashtëm, është e koordinuar me shtetin e së drejtës, jo vetëm pranë Fredi Belerit një kryetar bashkie i zgjedhur ligjërisht, i cili duhet të betohet. Shqipëria duhet të respektojë rregullat bazë të shtetit ligjor dhe ne nuk do të bëjmë asnjë hap pas për këtë.
Sipas zëdhënësit të qeverisë greke Shqipëria duhet të të respektojë rregullat bazë të shtetit ligjor dhe se nga ana e Greqisë nuk do të ketë asnjë hap pas. Që prej arrestimit të Fredi Belerit një ditë para zgjedhjeve vendore të 14 majit marrëdhëniet mes Athinës zyrtare dhe Tiranës zyrytare kanë qenë të tensionuara.
