Benefitet shëndetësore të mjaltit në kurimin e 20 sëmundjeve. Sipas specialistit të bimëve mjekësore Ylli Merja, në 1 kg mjaltë gjenden:
· 30-40 gr substanca shëruese si enzima, koenzima, mikroelemente në % më shumë se çdo produkt
- Flavonoide dhe antioksidante
- Peroksid hidrogjeni antibakterial
- Përmban 6 specie laktobacili dhe 4 specie bifidobakteria, të cilat shpjegojnë misterin shërues
- Acide organike të këtij shëruesi magjik depërtojnë në indet më të thella të trupit
- Mjalti dhe kryesisht ai i gështenjës është shumë i pasur me minerale, hekur, vitaminë B dhe C, acide fenolike që frenojnë plakjen
Por cfarë duhet të bëjmë që mjalti mos të humbasi vlerat e tij ushqyese ? Si fillim ai duhet të mbahet në kavanozë qelqi, në ambiente sa më të errëta dhe të ftohta pasi me kalimin e kohës ai mund të krijoj myk nga ambienti që është vendosur.
Gjithashtu asnjëherë nuk duhet të përziejmë mjaltin me lugë alumini por gjithmonë me lug druri. Gabimi më i madh që bëjnë konsumatorët me mjaltin është që ata e tresin direkt në çaj apo qumësht të nxehtë. Në këtë mënyrë ne humbasim një pjesë të përbërësve të tij, ndaj këshillohet që mjalti të tretet më parë në një enë tjetër dhe më pas të shtohet tek çaji apo qumështi.
Kujdes! Mjalti nuk duhet t’u jepet fëmijëve nga 0-3 vjeç, sepse përmban tubulin (substancë si helmi i gjarprit) i cili prodhohet në mjaltë nga bakteri Clostridium dhe fëmijët nuk e përballojnë dot.
Specialisti i mjekësisë bimore Ylli Merja i ftuar në emisionin e mëngjesit “Rreze Dielli” në Report TV, tregoi disa nga sëmundjet në të cilat mjalti bashkuar me bimë të tjera mjekësore ndihmon në trajtimin dhe kurimin e tyre:
- Acarimi i bajameve: Në 200 ml çaj me frut shtogu, aguliçe, trëndafil mali shtoni 1 lugë çaji mjaltë. Pini 3 gota në ditë.
- Alzheimer: Në 200 ml çaj mali, borzilok, bar blete shtoni 1 lugë çaji mjaltë. Pini 1 gotë, 3 herë në ditë.
- Ndalon diarenë: Në 200 ml çaj rigoni, trumze, boronice shtoni 1 lugë çaji mjaltë trumze. Pini 2-3 gota në ditë.
- Osteoporoza: Në 200 ml çaj tërfili të kuq dhe këputje urthi shtoni 1 lugë çaji mjaltë. Pini 3 gota në ditë.
- Ngërçi muskulor: Përzieni 300 gr mjaltë me 300 gr fara kungulli, 200 gr arra dhe 200 gr fara liri. Hani 2 lugë supe në ditë.
- Dhimbje kyçesh: Një lugë supe mjaltë me 1 lugë kafeje piper të zi dhe 1 lugë kafeje spec djegës. Lyejini kyçet 1-2 herë në ditë.
- Hollues gjaku: Në 200 ml çaj peline të bardhë dhe lëvore shelgu shtoni 1 lugë çaji mjaltë. Pini nga 1 gotë 2-3 herë në ditë.
- Hepatitet: Në 200-250 ml çaj tambëlgjaku, angjinare, lule basani shtoni 1 lugë çaji mjaltë. Pini 3 gota në ditë.
