Komisariati nr.2 i Policisë liron hapësirat publike në rrugët në komplekset dhe lagjet e banimit të Tiranës. Aksioni pas ankesave të qytetarëve që banojnë në lagjet me hapësira të ngjeshura urbanistike.
Policia ka spostuar 17 automjete të parkuara në mënyrë të gabuar, që kishin bllokuar lëvizjen në zonat e ish-parkut të autobusave dhe “21 Dhjetorit”.
Për secilin rast shërbimet e Policisë kryen verifikimet dhe ndëshkuan drejtuesit e automjeteve, me nga 3000 lekë masë administrative.
Njoftimi i policisë:
Policia sposton me mjet ngritës, 17 automjete të parkuara në mënyrë të gabuar, që kishin bllokuar lëvizjen në zonat e 📍ish-parkut të autobusave dhe “21 Dhjetorit”.
Shërbimet e Policisë Rrugore ndëshkojnë me masë administrative 3000 lekë, secilin prej drejtuesve të këtyre automjeteve.
Pas denoncimeve të qytetarëve, se automjete të parkuara në mënyrë të gabuar, kishin penguar lëvizjen e tyre dhe të mjeteve në këto dy zona, shërbimet e Komisariatit të Policisë Nr. 2 kanë shkuar në terren, për të verifikuar secilin rast.
Në vijim të veprimeve procedurale, janë spostuar me mjet ngritës, 1️⃣7️⃣ automjete, të cilat janë transportuar në ambientet e këtij komisariati. Për secilin rast shërbimet e Policisë Rrugore kryen verifikimet dhe ndëshkuan drejtuesit e automjeteve, me nga 3000 lekë masë administrative.
Kontrollet për këtë paligjshmëri, por dhe për paligjshmëri të tjera në fushën e qarkullimit rrugor, vijojnë në të gjithë territorin e kryeqytetit.
Policia Rrugore e Tiranës apelon për të gjithë drejtuesit e automjeteve, që të mos parkojnë në vende ku bllokojnë lëvizjen e qytetarëve apo mjeteve të tjera. Gjithashtu, apelon për qytetarët që të denoncojnë çdo rast të tillë, pasi reagimi i Policisë do të jetë i shpejtë dhe konform ligjit.
