TIRANË– Kryeministri Edi Rama ka reaguar këtë të hënë pas fitores së kandidatit të Partisë Socialiste në Rrogozhinë Edison Memolla, ky i fundit do të jetë në krye të bashkisë për një mandat tjetër. Përmes një postimi në rrjetet sociale Rama shkruan se skuadra e Partisë Socialiste meriton një bravo të madhe pasi nxorri mësimet e duhura nga gara e mëparshme.
REAGIMI:
RROGOZHINA VETËM PËRPARA me Edison Memollajn dhe Partinë Socialiste Pas rizgjedhjeve të djeshme në Rrogozhinë, kandidati ynë e thellon fitoren e 14 majit, ku doli përpara me 21 vota, me një avantazh spektakolar prej 1752 votash Urime Edison dhe një bravo të madhe për të gjithë skuadrën tonë, e cila nxorri mësimin e duhur nga gara e mëparshme, duke u angazhuar dhe organizuar ende më mirë, për të dalë shumë më lart në zgjedhjen e djeshme pjesore #VetëmPërpara.
