TIRANË– Deputetja e Partisë së Lirisë Monika Kryemadhi tha se kryeministri Edi Rama është nën panik për çështjen ‘McGonigal’. Gjatë fjalës së saj në seancën e sotme plenare Kryemadhi u shpreh se Rama mund të thotë se është sëmurë në 2 Mars, pasi nuk e përballon dot debatin për skandalin ku është përfshirë.
Monika Kryemadhi: Fjalët tona janë të tepërta. Filozofia duhet të përmbyllet me një mendim të thjeshtë, duhet të kishim kryeministrin. Pavarësisht mendimeve, arroganca e tij ka kaluar çdo lloj kufiri. Ajo që dua të theksoj ëshët se socialistët ndihen të përdorur se respekti ndaj tyre është jo ekzistent. Nuk përfaqësohen në parlament, se vetëm socialistët nuk përfaqësohen në veprat e tyre, e jo më në çështjen e fundit. E kuptoj panikun e Ramës, duke përdorur institucionin e kryeministrisë ka vendosur në pozitë të vështirë shtetin. uroj që të mos sëmurët, të mos thotë jam me flamë. Nuk ka një frikë të madhe, do përgjigjet. Kemi nevojë për një parlament funksional.
