E ftuar në emisionin ‘Jeto me Orën’ moderatorja e njohur Valbona Mhilli ka ndarë mes lotësh dhimbjen për humbjen babait të saj një vit e gjysmë më parë. Trishtim dhe plagë në zemër e quan ajo ndarjen nga jeta të njeriut të shtrenjtë.
Megjithëse zemra e saj qan, Valbona tregohet kurajoze kur thotë se do të vazhdojë të punojë me përkushtim, për të bërë krenar babain e saj, të cilin gjithmonë e ka patur një suport të fuqishëm, në hapat e saj të parë në jetë dhe karrierë.
“Unë punoj me dëshirën më të madhe, dhe i vetmi moment që më largon nga shumë trishtime që prej një viti është mbushur zemra ime, është vetëm puna dhe profesioni që ma shëron shpirtin“, thotë Mhilli.
Ajo shton më tej: “Unë jam e lumtur që punoj, sepse them kam lumturuar babin dhe duke lumturuar babin, unë mund të arrij të jetoj. Unë nuk e di se si do jetë, dhe si do vijë jeta më vonë, por që në këto momente unë jetoj për familjen time edhe dua të jetoj në hapat e babait tim, për ta bërë atë të ndihet krenar, ashtu siç ai gjithmonë ishte krenar për mua. Kjo që jam sot, jam vetëm falë tij. Do mundohem gjithë jetën time të jetoj për të, edhe ta bëj të ndihet krenar dhe të krenoj emrin e tij”.
