TIRANË– Është zbardhur konflikti që degjeneroi në përdorimin e armës afër Qendrës Spitalore Universitare në Tiranë. Përmes një njoftimi për mediat blutë e kryeqytetit bëjnë me dije se është arrestuar personi që qëlloi me armë në ajër. Sipas Policisë ngjarja ka ndodhur ghjatë orëve të para të mëngjesit të kësaj të shtune.
Ndërkohë mësohet se shkak i konfliktit mes të rinjve ka qenë ngacmimi i të dashurës së njërit prej tyre nga një djal i grupit tjetër. Pas konfortimit fizik njëri prej tyre konkretisht 37-vjeçari i identifikuar me inicilaet Xh.C ka nxjerrë armën dhe ka qëlluar në ajër. Ndërkohë arma është sekuestruar në cilësinë e provës materiale.
NJOFTIMI I POLICISË:
Shtetasi me inicialet Xh. C., rreth orës 03:00, së bashku me shtetasit F. Xh., A. Xh., M. K., dhe E. C., janë konfliktuar për motive të dobëta, me shtetasit K. K., V. Q., F. N., A. N., dhe gjatë konfliktit shtetasi Xh. C., ka qëlluar më armë zjarri në ajër. Në cilësinë e provës materiale u sekuestrua arma e zjarrit pistoletë, e dyshuar e përdorur nga ky shtetas. Materialet i kaluan Prokurorisë, për veprime të mëtejshme procedurale.
