Deputetja e Partisë së Lirisë, Monika Kryemadhi ka dalë kundër Ilir Metës, i cili ka deklaruar se brenda partisë që ai drejton ka nepotizëm.
Në një komunikim për mediat, ajo u shpreh se nepotizmi vlen për institucionet shtetërore.
Por Kryemadhi ishte dakord me Metën për deklaratat që ai ka bërë ndaj kreut të SPAK, Altin Dumani.
“Mendoj që meritorkacinë në një parti nuk e mbyt dot nepotizmi. Nepotizmi është për institucionet shtetërore kur emëron. Ndërsa deputeti zgjidhet me vota. Mund të të emërojë Ilir Meta deputet, por problemi është që nuk të zgjedhin njerëzit me vota”, tha Kryemadhi.
