TIRANË– Gjykata e Posaçme e Shkallës së Parë për Korrupsionin dhe Krimin e Organizuar ka vendosur arrest me burg për ish-drejtoreshën në OSHE, Albana Ferraj.
Ajo u arrestua pak ditë më parë, ndërsa ishte shpallur në kërkim për korrupsion dhe ryshfet në vlerën 131 mijë euro. Ajo akuzohet për favorizimin e një kompanie italianë në një tender në vitin 2016, duke marrë 31 mijë euro ryshfet.
Vendimi i GJKKO-së:
Gjykata u tërhoq në Dhomën e Këshillimit dhe si u kthye, në bazë dhe për zbatim të nenit 112, 248 dhe 260 të Kodit të Procedurës Penale:
VENDOSI:
1. Vazhdimin e masës së sigurimit “Arrest në burg” parashikuar nga neni 238 i K.Pr.Penale caktuar ndaj të pandehurës Albana Spiro Ferraj me vendimin Nr. 103, datë 18.10.2020 të Gjykatës së Posaçme të Shkallës së Parë për Korrupsionin dhe Krimin e Organizuar.
2. Ngarkohet Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore për ekzekutimin e këtij vendimi.
3. Kundër këtij vendimi mund të bëhet ankim në në Gjykatën e Posaçme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e njoftimit të këtij vendimi.
U shpall sot në Tiranë, më datë 11.12.2022
