TIRANË– Një 24-vjeçar i identifikuar me inicilaet J.Gj është vënë në prangat e policisë këtë të mërkurë pasi përplasi me mjetin e tij “Range Rover” një 17-vjeçare. Ajo u dërgua menjëherë në spital dhe ndodhet nën kujdesin e bluzave të bardha. Po ashtu përmes njoftimit për mediat blutë e kryeyqtetit bëjnë me dije se një 22-vjeçar u vu në pranga pasi shkeli masën e sigurisë “Arrest shtëpie”.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 2 arrestuan shtetasin E. B., 22 vjeç, banues në Tiranë, pasi ka shkelur masën e sigurisë “Arrest në shtëpi”.
Specialistët e Qarkullimit Rrugor arrestuan shtetasin J. Gj., 24 vjeç, banues në Shijak, pasi duke drejtuar automjetin tip “Range Rover”, ka aksidentuar një të mitur 17-vjeçare, e cila ndodhet në spital, nën kujdesin e mjekëve. Materialet i kaluan Prokurorisë, për veprime të mëtejshme procedurale./
