Gazeta “Deadline” bën me dije se turneu madhështor i Beyonce “Renaissance” ka mundësi të përmblidhet në një film.
Thuhet se këngëtarja është në bisedime e sipër për shpërndarjen e projektit direkt në AMC Theatres. Madje nuk do të na duhet të presim gjatë pasi filmi do të publikohet më 1 dhjetor gjithmonë sipas medias në fjalë.
“Deadline” shkrusan se Beyonce i xhiroi dy shfaqje pjesë të turneut të saj botëror në qytetin e saj të lindjes, Houston, Teksas, muajin e kaluar për filmin.
Gazeta shtoi se këngëtarja e hitit “Halo” mund ta publikojë filmin e koncertit kur turneu i saj të përfundojë në Kansas City, Missouri.
Përfaqësuesit e Beyonce dhe AMC akoma nuk kanë reaguar në lidhje me këto lajme.
