POGRADEC-I gjithë territori i vendit tonë është “pushtuar” nga moti i keq, diku me reshje të dendura shiu, diku tjetër me temperatura të ulëta dhe reshje intensive dëbore. Raportohet se situata paraqitet problematike dhe në Pogradec ku për shkak të mjegullës së dendur është vështirësuar qarkullimi i mjeteve duke shkaktuar kështu dhe radhë të gjata trafiku.
Mjegulla nis nga pika e kalimit kufitar të Qafë-Thanës e deri në fshatin turistik të Linit. Si pasojë, qarkullimi vështirësohet edhe më shumë pasi ky segment rrugor nuk është i ndriçuar.
