Situata për shkak të motit të keq vijon të mbetet problematike në qytetin e Lezhës. Reshjet e shiut kanë vijuar gjatë gjithë natës dhe ditës së sotme duke shtuar prurjet në Lumin Drin, i cili po arrin në pikën kririke. Niveli i reshjeve ka qenë rreth 40 mm. Ura që lidh shatin Gjadër me Zojs-Gramsh është e kalueshme dhe për mjetet e vogla ndërsa në Njësinë Administrative Dajç situata vijon të mbetet e njëjtë.
Ndërkohë rruga që lidh fshatin Blinisht-Superstradë (Lezhë-Shkodër) vazhdon të jetë e pakalueshme si rezultat i prezencës së ujit në rrugë. Rruga që lidh fshatin Blinisht-Baqel është e kalueshme plotësisht. Problematike mbetet situata dhe në fshatin Karriç ku ka ende prezencë uji në katër banesa dhe pse niveli i ujit po vazhdon të ulet.
Në fshatin Torovicë janë 500ha sipërfaqe toke sipërfaqe toke përmbytur. Rruga që lidh fshatin Torovicë me fshatin Malecaj, njësia Administrative Balldren, është e pakalueshme për mjetet e vogla. Hidrovoret po punojnë me kapacitet të plotë dhe pa ndërprerje. Konkretisht Droje, Shllinza, Tale, Ishull Shëngjin, Grykë Zezë, Gocaj nivelet e ujit janë nën kuota kritike dhe hidrovori Balldre rreth -1.2 m. Lumi Drin është në kuotën +1.40 m nga +2.0 m kuotë kritike. Lumi Gjadër ka kuota të larta, ndërsa lumi Mat ka rritje të kuotave por të papërfillshme. Ndërsa në Kurbin dhe Mirditë nuk raportohet për probleme.
