DURRËS– Moti i keq që ka “mbërthyer” vendin dhe që pritet të përkeqësohet në orët në vijim me shtrëngata dhe stuhi ka detyruar Autoritetin Portual në Durrës që të anulojë të gjitha lundrimet drejt Italisë. Në një njoftim në Facebook APD njofton se të gjitha lundrimet janë anuluar. Lundrimet pritet të nisin ditën e nesërme nga ora 08:00 e mëngjesit. Ndërsa disa të tjera do të rinisin lundrimin ditën e enjte.
NJOFTIMI:
Si pasojë motit të përkeqësuar dhe kushteve jo të favorshme për lundrim në daten 17.01.2023, anullohen nisjet nga Bari për Durrës me tragetin AF MARINA , gjithashtu anullohet dhe nisja nga Ankona për Durrës me tragetin AF CLAUDIA. Trageti AF MARINA rinis linjën Bari -Durrës nesër ditën e mërkurë datē.18.01.2023, kurse trageti AF CLAUDIA rinis në linjën Ankona-Durrës diten e enjten datën 19.01.2023.
Ndërsa në portin e Vlorës Trageti Ioan Sun i linjës Vlorë-Brindisi-Vlorë ka anulluar lundrimin E datës 17.01.2023 për Vlorë-Brindisi. Trageti Ioan Sun do të rinis lundrimin në datën 18.01.2023 ora 14:30. Kompanitë e lundrimeve do të respektojnë gjithë detyrimet që lindin nga ky anulimi i lundrimit, ndërsa për çdo sqarim të nevojshëm, ju ftojmë të kontaktoni me agjencitë respektive.
