BOGË– Moti i keq që ka përfshirë vendin prej katër ditësh ka shkaktuar probleme të shumta në rrugët e vendit. Autoritetrti Rrugor Shqiptar në përditësimin e tij të fundit u ka bërë apel drejtuesve të mjeteve që të udhëtojnë me kujdes dhe të ulin shpejtësinë në akset rrugore ku shihet se ka prezencë të dëborës apo rrëshqitje dherash. Në qarkun e Shkodrës aksi Bogë-Bogë-Theth në zonë e tuneleve ka prani të orteqeve duke sjellë vështirësi në qarkullim dhe pastrimin e rrugës.
NJOFTIMI:
Reshjet e shiut kanë vazhduar gjatë natës dhe në orët e para të mëngjesit. Kanë filluar reshjet e dëborës në Dardhë, në Llogara, në Krujë-Sarisalltik, në Ura e Zapodit Shishtavec në lartësi mbi 700 m, ku është punar me mjete borëpastruese dhe qarkullimi kryhet pa probleme. Në aksin Bogë-Theth në zonën e tuneleve vazhdon rënia e orteqeve duke sjellë vështirësi në qarkullim dhe pastrimin e rrugës. Kontraktorët me mjete e punëtorë kanë qenë në terren gjatë gjithë natës për të mbajtur qarkullimin në normalitet. Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
