TIRANË– Moti i keq vijon të mbajë të “mbërthyer” vendin. Autoriteti Rrugor Shqiptar ka bërë bilancin e fundit në lidhje me situatën ku bëhet me dije se aksi Qafë Thore-Theth është i vetmi ku ka vështirësi për kalimin e mjeteve. Rrugët janë të hapura dhe qarkullimi kryhet pa probleme. Kontraktorët me mjete e punëtorë janë në terren për të mbajtur qarkullimin në normalitet.
POSTIMI I ARRSH:
Gjatë natës dhe në orët e para të mëngjesit ka rënë intensiteti i reshjeve duke sjellë një qetësim të situatës Rrugët janë të hapura dhe qarkullimi kryhet pa probleme. Në aksin Qafë Thore-Theth, në zonën e tuneleve, vazhdon rënia e ortekëve duke sjellë vështirësi për mjetet dhe punëtorët për pastrimin e rrugës dendësia e dëborës. Kontraktorët me mjete e punëtorë janë në terren për të mbajtur qarkullimin në normalitet. Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.
