SHKODËR– Moti i keq që ka përfshirë vendin ka sjellë problematika të shumta në qarkun e Shkodrës, i cili është dhe një ndër qarqet më të prekura. Deri më tani nuk raportohet për përmbytje ndërkohë që disa fshatra kanë probleme me energjinë elektrike. Po ashtu si pasojë e erërave të fortë gjatë natës, ka mungesë të energjisë elektrike në disa zona në Vlorës, konkretisht në Dukat, Llogara, Radhimë, disa familje në Ujë të ftohtë, Peshkpi, Vllahine, Kallarat, Bolenë, Vranisht, Mesaplik, Terbac, Brataj, Velc, Bashaj, Sevaster.
Niveli i lumit Drin shënon kuotën 6.05 m me një rritje prej 25 cm me orën 18.00 të datës 17.01.2023 (kuota max 7.50 m”, ndërsa niveli i liqenit (hidrometri ura e Bunës) shënon 7.40 m me një rritje prej 15 cm me orën 18.00 te dates 17.01.2023 ( kuota max 8.70 m ). Në Lezhë, ka rënë rreth 15 mm shi, shoqëruar me erë të fortë, por nuk ka probleme me përmbytje dhe furnizimi me energji elektrike vijon pa probleme. Kuota lumit Drin aktualisht është +0.73 m, nga +2.0 m që është kuota kritike, kuotat e lumit Mat dhe Gjadër kanë rritje të vogël pa krijuar problem.
