TIRANË– Kandidati i opozitës për bashkinë e Tiranës Belind Këlliçi ka publikuar në rrjetet sociale një video ku duken rrugët e përmbytura të kryeqytetit. Sipas Këlliçit rrugët e përmbytura që janë paguar me “flori” nga shqiptarët janë dëshmi se bashkina e Tiranës nuk po administrohet por po vidhet.
POSTIMI I BELIND KËLLIÇIT:
Rrugët janë paguar me flori nga shqiptarët. Edhe ato pak që i kemi të sakta na gërryhen nga vërshimet e ujërave. Ndodhem në Rr. “Kongresi i Manastirit”. Ky është rezultati i shqepjeve të UKT-së që bashkia i quan punime dhe i fotografon si suksese historike. Tirana nuk administrohet. Tirana vidhet. Ne duhet ta ndryshojmë Tiranën! T’i japim të gjithë një mundësi vetes të jetojmë në një qytet normal, ku punën e kryebashkiakut ta shikoni në rrugët dhe lagjet tuaja e jo në fotografi të retushuara.
